បង្ក្រាបទីតាំងចម្លងឌីសខុសច្បាប់មួយកន្លែងរឹបអូសបានស៊ីឌីជិត២ពាន់បន្ទះ
23-June-2016 | ដោយ មែន កំសត់
ខេត្តក្រចេះ៖ យ៉ាងហោចណាស់ស៊ីឌីជិត២ពាន់បន្ទះរួមទាំងគ្រឿងថតចម្លងផង ត្រូវបានសមត្ថកិច្ចធ្វើការរឹបអូស នៅខណៈពេលដែលម្ចាស់ទីតាំងថតចម្លងឌីសខុសច្បាប់នោះ ក៏ត្រូវបាននគរបាលឃាត់និងបញ្ជូនខ្លួនទៅកាន់ សាលាដំបូងនៅរសៀលថ្ងៃទី២១ ខែមិថុនា ឆ្នាំ២០១៦នេះ។
ការចុះបិទកន្លែងរកស៊ីចម្លងឌីសខាងលើនេះធ្វើឡើងដោយ សមត្ថកិច្ចចម្រុះដឹកនាំដោយលោក ទេព វាសនា ប្រធានមន្ទីរវប្បធម៌និងវិចិត្រសិល្បៈខេត្តក្រចេះ ក្រោមការសម្របសម្រួលដោយលោកសោ វុទ្ធី ព្រះរាជអាជ្ញារងសាលាដំបូងខេត្តក្រចេះ ដោយធ្វើឡើងទៅតាមពាក្យបណ្ដឹងរបស់ក្រុមហ៊ុនផលិតកម្ម អាជីវកម្មសីឌីក្នុងស្រុកមួយ។
នគរបាលប្រឆាំងបទល្មើសសេដ្ឋកិច្ចខេត្ត បានឲ្យដឹងថា ជនជាម្ចាស់ទីតាំងថតចម្លង ស៊ីឌី ខុសច្បាប់ខាងលើនេះ ឈ្មោះ គីម ម៉ូវ អាយុ៥០ឆ្នាំ រស់នៅភូមិក្រចេះ សង្កាត់ក្រចេះ ក្រុងក្រចេះ ដោយម្ចាស់អាជីវកម្មដែលរងការចោទថាបានលួចធ្វើអាជីវកម្មលក់ជួល ស៊ីឌី និងធ្វើអាជីវកម្ម ថតចម្លងដោយខុសច្បាប់នេះមានរយៈពេលរាប់សិបឆ្នាំមកហើយ៕
ចំនួនអ្នកទស្សនា
- ថ្ងៃនេះ7421
- ម្សិលមិញ14181
- សប្តាហ៍នេះ7421
- ខែនេះ122571
- ឆ្នាំនេះ122571
- សរុប20565027